Við ætlum að ganga í það heilaga 12. ágúst 2007

Ég er mikið búin að vera að spá í þennan kjól, hvernig kjóll færi mér.  Ég sá mjög fallegan kjól á myndum áðan, konan er svipuð í vexti og ég nema sá kjóll var með síðum ermum og ég veit ekki hvort svona kjóll myndi fara mér þar sem ég er svo stutt.  En það er nú meira en ár í þetta ennþá þannig að ég þarf ekkert að flýta mér að finna kjól.  Ja ekki nema við myndum flýta þessu, en ég held að það eigi ekki eftir að gerast.

Svo er það salurinn og kirkjan.  Kirkjan fer eftir því hvar við fáum sal.  Við viljum ekki gifta okkur í Keflavíkurkirkju nema við fáum sal í Keflavík og öfugt með Grindavíkurkirkju.  Persónulega finnst mér Keflavíkurkirkja fallegri.  Í fyrsta skiptið sem ég sá Grindavíkurkirkju, hélt ég að þetta væri eitthvað allt annað en kirkja.

Kirkjulundur í Keflavík er ekkert smá dýr, þrátt fyrir gæði finnst mér.  Hann kostar núna 45000 en á eftir að hækka á næsta ári!  Ég þori varla að athuga hvað við gætum fengið salinn í Grindavíkurkirkju á, því þá er svo mikil hætta að þetta fréttist of fljótt.  Er ég biluð?   Já ég held það .

Annars held ég að við verðum að panta kirkjuna og salinn í síðasta lagi um áramótin, bara til að vera komin með þetta.  Æi mér finnst bæði of langt í þetta og stutt!  Eina stundina langar mig að flýta þessu en hina er þetta bara þægilega langt þangað til.

Jæja ég er hætt þessu rugli...ætla að fara að googla brúðarkjóla